- 35 -

1340. August 19.

Nos Heynricus de Plumnau et Jesco noster germanus frater Ordinis domus Theuthunice, Recognoscimus tenore presencium universis, quod matura deliberacione prehabita amicorumque et fidelium nostrorum consilio precedente Bona nostra hereditaria situata in terra seu districtu Oppauiensi nunccupata Oppidum Baworob et villas Sulcau, Czirbenkau et Dgehilhau, Cum omnibus eorum Juribus et pertinencijs, videlicet Jurisdicione, Jurepatronatus, Advocacia, honore et dominio, necnon cum agris cultis et incultis, pascuis, pratis, montibus, planis, silvis, rubetis, aquis aquarumve decursibus, molendinis ad ventum vel aquam expositis, in qua[rum]cumque villarum dictarum Juxta citra vel prope situatis, mellificijs, censibus, redditibus et fructibus, piscacionibus, aucupacionibus et venacionibus, hominibus et generaliter cum universis utilitatibus et appendijs suis, quibus ad nos seu antecessores nostros, parentes, avos vel atavos vel quoscumque alios spectabant, quocumque nomine censeantur aut in quibuscumque rebus consistant, Rite et racionabiliter vendidimus Serenissime domicelle Domicelle Eufemie, Sanctimoniali in Rathwor, sorori quondam germane Incliti Principis domini Lesconis pie recordacionis ducis Rathoworiensis, pro Sexcentis et quinquaginta Marcis gravi(s) ponderis et numeri Morauicalis, sexaginta et quatuor grossis pro marca qualibet computandis, grossorum Pragensium denariorum. Promittentes bona nostra fide, si quicumque vel qualescumque predicta bona inpecierint vel quoscumque inpetere contigerit, una cum Nobilibus viris dominis et amicis karissimis, scilicet fratre nostro Benessio et patruo nostro Dirzizlao dictis de Crawarn, Bockone patruo nostro de Czythyn, secundum Jus terre Oppauiensis disbrigare, qui et pro nobis et nobiscum promittunt pura fide, omnia et singula predicta inviolabiliter observare, occasione autem quacumque interveniente dicta bona per quemcumque seu qualescumque inposterum quovis tempore vel modo per aliquem seu aliquos a dicta domicella vel filiabus Illustris principis Nycolai Oppauie et Rathwor. ducis, scilicet Elizabet, Agnes et Anne, vel succedentibus, per superadicionem pecunie pagande vel pagate, numerande vel numerate, seu ampliori superadicione empcionis pecunie remoneri eveniret, intercipere, disbrigare ac provehi ut premittitur secundum Jus terre predicte, promittimus omni attencione qua valemus. Promittentes ad manus iam dicti serenissimi domini ducis Nycolay, dicte domicelle et filiabus domini ducis iam notati in Claustro Rathworiensi degentibus universa observare; si autem salvo omni Jure earum facere non possemus nec valeremus, extunc debemus et promittimus bona fide Civitatem Oppauiensem nomine veri obstagij subintrare, ibique sicut Juris et moris est obstagium tenere, donec Mille marcas gravi(s) ponderis pagaverimus, vel bona singula ut premittitur per nos quatuor prenominatos fuerint omnimode disbrigata. In Cuius Rei Testimonium presentes fieri fecimus et Sigillis nostris et amicorum nostrorum predictorum, Benesij fratris nostri et Dirzsylay patrui nostri dictis de Crawarn, Bockonis de Czythyn, quos ad hoc testimonium et compromissum vendicionis petivimus specialiter contestari, fecimus munimine roborari. Datum Oppauie Anno domini Millessimo Trecentesimo Quadragesimo, Sabbato infra Octavas Assumpcionis Beate Marie virginis.

Anhangend 4 kleine runde Siegel mit dem Krawarn'schen Wappen in verschiedenen Modificationen, und den Umschriften: 1) S. HEINRICI. D. PLVMNA. . 2) S. BENESCHI. D. CRAWAR. 3) S. DIRIZLAI. D. WLNEK. 4) S. WOCKONIS. DE. SCZICHIN.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.